Osasun mentalaren gabezia jada osasun publikoaren arazoa da, adin-tarte guztiei eragiten diena, eta horren inguruan oraindik ere desinformazio eta mito ugari daude. Osasun-arazo horien ulermenean sakontzeak gure ingurunean oso agerian dagoen errealitate batera hurbil gaitzake, eta, horrela, gaixotasun mentalaren diagnostikoa duten pertsonen desestigmatizazioa lagundu.

Aurten, lehen jardunaldian, irailaren 12an, "Eutanasia, heriotza duina eta erabakitzeko eskubidea" izeneko gaia jorratuko da, eta Nélida Rodriguez Martinezek (mediku erretiratua eta Mabel Marijuan Angulok (bioetika irakasle erretiratua) parte hartuko dute mahaian. Biak DMD-DHE Duintasunez Hiltzeko Eskubidea Elkarteko kideak dira.

Irailaren 19an, Maribi Armendariz Iraola (Psikologo Klinikoa) eta Ainara Baglietto Leturiondo (Aniturri BHIko hezitzailea) "Osasun mentala haurtzaroan eta nerabezaroan" gaia jorratuko dute, beren esperientzia praktikotik hitz eginez gazteek eta nerabeek dituzten arazoei eta egoerei buruz eta prebentzioaren arloko jardunari buruz.

Jardunalia hau ixteko. Irailaren 26an, Estibaliz Linares Bahillok (Gizarte Lanean graduatua eta ikertzailea) eta Ziortza Carranzak (psikologoa eta sexologoa) "Harreman toxikoak eta genero indarkeria" izango dute hizpide.

Aurten, berrikuntza gisa, Josune García de Vicuña Quintanak parte hartuko du mahaien aurkezpenean eta dinamizazioan.

Gainera, Harresi Aretoak Osasun Mentalarekin lotutako zine eta antzerki programazio berezia eskainiko du.

Zehazki, irailaren 14an, larunbata, 19:00etan "Locos" antzezlana egingo da José Pascual Abellanekin, eromenaren benetako jatorria ezagutzeko eta gaixotasun mentalari buruzko estereotipoak apurtzeko.

Irailaren 28an, larunbata, 19:00etan, Sergio Arróspide aurkezleak "La sombra" bakarrizketa aurkeztuko du.

Pertsona guztiak parte hartzera animatzen ditugu.