Udal honek konpromisoa hartu du udal kirol-instalazioak ordaintzeko kuotaren % 20 itzultzeko. Kuota hori 2022an kobratu zen, baina igerileku estalia aldi baterako itxi zenez, ekainaren 22tik urriaren 10era, sabai faltsua erori zelako, eta guztiz ordeztu zenez,erabaki hau hartu zen. Konpromiso horri dagokionez, honako hau erabaki da:

1.- 2023rako ordainagiria helbideratuta duten abonatuei 2023rako bidaltzen den ordainagirian dagokien zatia deskontatuko zaie.

2.- 2022an ordainketa helbideratuta izan eta baja emateko asmoa duten pertsonei dagokien zenbatekoa itzuliko zaie helbideratze-kontuan, baja-eskaera jakinarazi ondoren.

3.- Ordainketa banku-transferentzia baten bidez, eskudirutan edo udaletxean datafono bidez egin duten pertsonek idazki bat aurkeztu beharko dute, dagokion zenbatekoa itzultzeko bankuko kontu-zenbakia adieraziz.