Aguraingo Udalak udalerrian proiektatutako instalazio fotovoltaikoak berriz aztertzeko eskatu dio Cañaveras Solar S.L. enpresari
2025/04/14
Proiektu horien aurka dagoela adierazi du, eta balio estrategiko handikotzat kalifikatutako nekazaritza-lurra okupatzea saihesteko eskatu du.
Aguraingo Udalak Cañaveras Solar S.L. enpresari eskatuko dio udalerrian kokatu nahi dituen proiektu fotovoltaikoak berriz azter ditzala. Hala jasotzen da gaur arratsaldean Batzorde Informatiboan eztabaidatuko den eta biharko deitutako Osoko Bilkuran onartuko den ekimen batean. Cañaveras Solar S.L. enpresak bi instalazio fotovoltaiko proiektatzen ditu Agurainen. Horietako batek 15,75 MWko potentzia duen instalazio fotovoltaiko bat aurreikusten du, 22,22 hektarea hartuko lituzketen 21.720 panelekin, eta horietatik 14 hektarea balio estrategiko handiko nekazaritza-lur gisa kalifikatuta daude. Besteak, 30,9MWko potentzia instalatua aurreikusten du, 50 hektareako okupazioa gaindituko luketen 48.960 panelekin.