Aguraingo osoko bilkurak onartu ditu 2024ko ordenantza fiskalak
2023/09/29
Aguraingo osoko bilkurak atzo onartu zituen 2024ko urterako ordenantza fiskalak. Berrikuntzen artean, Ondasun Higiezinen gaineko Zergan hobari gehiago egongo dira. Horrela, 2024ko urtarriletik aurrera, urteko 22.681 eta 30.240 euro arteko errentek ere % 25 eta % 75 arteko beherapena izango dute zergan, bizikidetza-unitatea osatzen duten pertsonen kopuruaren arabera. Bestalde, errenta txikienek, urtean 12.000 eurotik beherako diru-sarrerak dituztenek, % 90 eta % 95 arteko hobariak jasoko dituzte.